Бейнероликте қоғамдық көліктің іші көрсетілген. Автобус ашық есікпен кенет қозғалысын бастайды. Абдыраған ана бүлдіршінін жетектеп түсем дегенде сүрініп кетіп, автобус астына түседі. Артынша камера нысанасынан жоғалып кетеді. Екеуі де сол күні түрлі жарақатпен ауруханаға жеткізілген.  Әсіресе бала ауыр халде ауруханаға жеткізіліпті. Миы шайқалып, ішкі құрылысы зақымдалған бөбек те, анасы да бірер күн бұрын үйлеріне жіберіліпті. Қазір полицейлер мәселенің мән-жайын анықтап жатыр. 

Источник: ktk.kz