Тоқтар Серіков бейнебаянында бойжеткенмен аймаласқан Нұрболат Абдуллинге өкпелеп қалды

Тоқтар Серіков өзі жақсы көретін өнердегі інісі Нұрболат Абдуллиннің елді шулатқан клипіне қатысты пікір білдірді. Бұл туралы "Айта берсін" бағдарламасына сілтеме жасаған NUR.KZ жазады.

Тоқтар Серіков пен Нұрболат Абдуллин. Фото:musical.kz, qazbrand.info

Бағдарлама жүргізушісі Анна Данченко:

"Қазіргі әншілер жақсы ән шығарамын деп, бейнебаянға келгенде қателік жіберіп жүр. Қазақтың керемет жігіттері дейміз. Ал бейнебаянды көрсең, ұялып қаласың. Өзіңіз көріп жүрген шығарсыз", - деп әншіге сауал тастаған.

Ал Тоқтар Серіков:

"Бір адамды жақсы көресің. Өнерін де, өзін де. Сен сондай бауырларымның бірін айтып тұрсың. Оларға күйе жақса, ақтап алғың келіп тұрады. Қайрат Нұртас, Төреғали Төреәлі, Нұрболат Абдуллинді жақсы көремін. Бірақ, бұлардың жүрген жері айқай-шу.

Бір өкініштісі, мәдениеттен аспау керек. Мен түбегейлі қарсымын. Қытығыма тиді. Бірақ, мінін бетіне басқың келмейтін, жасытқың келмейтін бауырлар бар. Нұрболаттың клипін өзім қарап шықтым. Сапа жағынан мін жоқ. Бірақ ана қыз баламен бірге сондай дүние жасамай-ақ қоюы керек еді. Ел даттаса бірге қосыламын. Ел жақтаса соның ішінде боламын енді", - деп сөзін аяқтады Тоқтар Серіков.

Айта кетейік, осыған дейін Мақпал Жүнісова клипінде ұятсыз сәттерді бейнелейтін клип түсірген әншіні сынаған болатын.

Естеріңізге сала кетейік, Тоқтар Серіков пен Нұрболат Абдуллиннің әндерін біздің MusicNur қосымшасынан тыңдай аласыздар.